06 Апр 2016, 15:04 | |
"Александр Масляков и компания" (АМИК) ижодий уюшмаси "Газпром-медиа" компанияси билан бирга "КВН ТВ" телеканалини яратишмоқда. Бу канал жорий йилнинг 1 июнидан ишини бошлайди. Бу ҳақда компанияларнинг биргаликдаги матбуот баёнотида айтилмоқда. "КВН ТВ" телеканали эфири асосини КВНнинг Олий ва Премьер лигалари ўйинлари, Юрмала ва Сочидаги фестиваллар, КВН ҳақидаги кўрсатувлар, клуб тадбирларидан репортажлар, КВН ва Россия шоу-бизнеси юлдузлари иштирокидаги дастурлар ташкил қилади. Телеканал томошабинларга яхши кайфият улашади, уларга севимли жамоалари ва машҳур артистлар чиқишларини кўриш имконини беради. Янги канал Россия, Грузия, МДҲ ва Болтиқбўйи давлатларида эфирга узатилади. "КВН – кўплаб йиллар давомида телетомошабинларни хурсанд қилиб келаётган ўйин ва яна узоқ йиллар шундай бўлади, деб умид қиламан. Миллионлаб одамлар бизнинг клубда ўйнаганлар, ўйнамоқдалар ва келгусида ҳам ўйнайдилар. КВН – ноёб, Россияда яратилган, муқобили йўқ ўйин, уни кўплаб давлатларда ўйнашади. Мен томошабинларга, клуб иштирокчиларига КВН бутун дунё бўйлаб одамлар кайфиятини кўтаришни давом эттиришини истаб қоламан, шунинг учун ҳам биз "КВН ТВ"ни яратдик", деб айтиб ўтди КВН бошловчиси Александр Масляков. "Газпром-медиа" бош директори Дмитрий Чернишенко бу ҳамкорликдан мамнунлигини ва АМИК билан ҳамкорлик компанияга бу сегментдаги таклифни кенгайтиришга имкон беришини таъкидлаб ўтди. | |
| |
Просмотров: 556 | |
Всего комментариев: 0 | |