Колумбия ва АҚШ биргаликда махсус операция ўтказди, натижада олти тонна кокаин ташиётган сув ости кемаси қўлга олинди. Бу ҳақда Колумбия ҳарбий денгиз кучлари маълум қилди,  дея РИА Новости хабар бермоқда.
 
Сув ости кемаси Тинч океанида, Колумбия ва Эквадор ўртасидаги ҳудуд қирғоқларидан 250 мил узоқликда топилди. Кема бортида уч колумбиялик ва бир мексикалик бўлган.
 
Колумбия, Перу ва Боливия дунё “қора бозори”га кокаин етказиб берувчи асосий давлатлар ҳисобланади. Жорий йил бошидан буён Колумбияда 34 тонна турли хил наркотик моддалар қўлга олинган.