Мадриднинг «Реал» жамоаси бош мураббийи Зинедин Зидан ЕЧЛнинг чорак финали доирасида «Вольфсбург»га қарши кечган биринчи учрашувдаги натижа учун жавобгарликни ўз зиммасига олишини билдирди. Жамоа сафарда кечган учрашувда 2та гол ўтказиб юбориб, жавоб қайтара олмади.

«Бу ўзимизга ишончсизлик туфайли эмас. Бу футбол ва унда шундай кунлар ҳам бўлиб туради. «Барселона» билан ўйиндан кейин юзага келган жисмоний ҳолат бўйича муаммоларни ҳал қила олмадик.

Мураббий сифатида бу мағлубият учун жавобгарликни тўлиқ ўз зиммамга оламан. Шунинг учун, нима бўлганини тушуниш учун ўйинни таҳлил қилмоқчиман ва вазиятдан чиқиш йўлларини қидираман. Футболчиларим билан фахрланаман. Эндиликда айтишим керакки, натижа менинг айбим туфайли содир бўлди», — дея унинг сўзларини келтиради AS.