EliteGroup Computer Systems(ECS) компанияси ўзининг янги маҳсулоти Live Station шахсий стол компьютерини мижозлар эътиборига ҳавола этди.

Унинг устки қисми орқали, Qi стандартли смартфонларни симсиз қувватлантириш мумкин. Неттопга Bay Trail авлодининг 2.16 - 2.41 ГГц тўлқинли Intel Celeron N2830 процессори ўрнатилган.

Унга Intel HD Graphics графикаси, 2 Гб оператив хотира, 32 Гб флеш хотира, Wi-Fi 802.11b/g/n ва Bluetooth 4.0, USB 3.0 ҳамда USB 2.0 учун жойлар, HDMI порти, гигабитли тармоқ контроллери, ИК-сенсор ва 3.5-мм аудиоразъём жойланган. Компьютер Windows 10 Home операцион тизимда ишлайди.

Янги маҳсулотнинг ўлчами  келтирилмаган бўлсада, расмдан унинг стол устида унчалик кўп жой эгалламаслиги кўриниб турибди.  ECS Live Station Японияда 9 апрелда 335 доллардан сотила бошланади.

Кейинчалик, бу янгилик бирмунча арзон нархларда бошқа давлатларга етказиб берилади.